بسم الله الرحمن الرحيم
هذي قصيدة للشاعر الكبير / فهد المساعد
إن شاء الله تعجبكم ....
ياعين كفي دمعتك لاتهليـــــــــــــــن ,,,,,,, قوي الصبر هذا زمان العجايب
ماقد سمعنا رجّع الدمع غاليـــــــــن ,,,,,, ولاسمعنا رد دمعن مصايب
بدل دموعك حاولي بينك وبيــــــــــن ,,,,,, قلب ٍ عساه اليوم ينسى الحبايب
ماأقول انسي .. حاولي كود تنسيـن ,,,, خلاص راحت غايتك بالغصايب
الحب قصه والبطوله لشخصيــــــــــن ,,, وختامها كل ٍ من الحب تايب
ماهوب مثل اللي نظنه من سنيــــــن ,,,,,, ماندري انه يودع الراس شايب
كنا نظن الحب يرسم بقلبيـــــــــــــن ,,,, وسهم ٍ على القلبين بالحبر صايب
واليوم اشوف الحب في دمعة العيــن ,,,,,, كنه غريب ٍ دون دم وقرايب
انشهد انه شتت الحظ أثنيـــــــــــــن ,,,,,,, راحت وتهنا في بحور ٍ غرايب
راحت وانا واطلالها اليوم باقيـــــن ,,,,, ترقب عيوني بابهم والهبايب
اذا انفتح كل الخفايا بي اتبيـــــــن ,,,, واذا تسّـكر جاوب الدمع غاايب
انا قوي القلب اصبحت مسكيـــن ؟؟ ,,,,, يحق الك يالعين خاوي السحايب
ياعين هلي دمعتك لاتمليـــــــــــن ,,,,,,, غلطان انا يومي ردعتك وخايب
وآخر وصيه من فهم حالتي زيـــن ,,,, وآمن بقلب ٍ راح في الحب ذايب
ينحت على قبري رموز ٍ بحرفيـن ,,,,,,, وينحت سهم وقلوب .. فوق النصايب
منقوول لعيوونكم